ليله الدخله ربطوا الجحش

https://soundcloud.com/masrawy-ghalban/tpefonmsndnh

 ليله الدخله ربطوا الجحش

يحكي ان فتحي الجحش اراد الزواج من ست الصبايا
وراحت امه ستوته تخطبها
قالت ابني الحيله وزينه العيله
متطوع في جيش امريكا ونازل معاه شئ وشويات
وعاوز بنتكم في الحلال من غير حب ولا حكايات
رفض الاب بشده ام الام اغرتها امريكا وبشده
وتزوج فتحي سهوكه زينه الصبايا
سهوكه ده اسم الشهره في الحاره يعرفه الجار والجاره
وليله الفرح نضفوا الحاره وزاحوا الزباله عن باب العماره
وشد الكل في الشيشه ورقصت ليهم فيفي حنتيشه
ولما الحشيش اشتغل والكل نام وانسطل
قام فتحي سهوكه شايل العروسه ودخل بيها شقه امه الحنتوسه
ستوته بخرت اوضه النوم وعلقت علي الشباك فصين توم
ست الصبايا مكسوفه متعرفش انها ليله منحوسه
سهوكه في سطلانه بيقلها فين الشرف وريني عنوانه
ست الصبايا مكسوفه ونظرتها في الارض معروفه
ماتخافيش يا حلوه ده زي شكه الدبوس حنعمله في غنوه
ست الصبايا طب غنيلي يا فتحي واشجيني
قلع فتحي البدله وحب يعمل فيها اسد بس الموضوع شكله انحسد
اده مش كده يا قبطان يلا قوم وجدف بالسفينه
بس قبطانه من الحشيش والبيره صار حته عجنه
يا بختك الطري كسفتني يا مفتري
ده كان رد فعل ست الصبايا في ليله دخلتها
تاني يوم امها ها يا بنيه ورينا الملايه
ملايه ايه ياما ده نام وشخر لا لمس ولا اتبخطر
يا لهوتي يا بنتي علي حظك الخايب فتحي طلع مبيعرفش طلع سايب
فشر ده صوت ستوته قطع المحادثه وقلبها حدوته
ابني الحيله بيعرف وبيعرف تلاقي بنتكم عكرت مزاجه
مالك يا فتحي يا ضنايه متقلنا الحكايه
ابدا ياماه مش عارف يكنش اتحسد ياكنش اتربط
ربطوك يا ضنايا ليله دخلتك حسدوك يا ضنايا يوم فرحتك
وتحت الشباك وقف سعيد الورك و صبحي الفتاك
ايوه يا عم فتحت عكا
لا عكا ولا يافا وبطل منك ليه شغل الهيافه
ايه مسدتش يا فتحي يا سهوكه مش كنت تسبها لموسي الدهل
وهنا تتدخل ستوته يسد ازاي وهو مربوط وحسدكوا ليه فاق الحدود
يا سهوكه مش قلت حسد وحشيل الحموله واجيب عيال متعرفش تعد
بس ياض منك ليه الليله قبطاني حيشق البحار ويدمر سدود الانهار
وجت الليله واتزينت ست الصبايا
ودخل فتحي مبرشم كالعاده
الليله ليلتك يا صبيه وانا والعذاب وهواك حنسلي بعضينا
اما نشوف يا فتحي انا كمان ليك مستعده وزيت السرير وامي بخرلتلك العده
انا الوحش انا المجري انا الصاروخ انا وينظر لتحت ويقول مكسورا انا فقري
في ايه تاني يا حليتها اقول ايه لامي اه يا حظي اه يا نحسي
ربطوني يا نصره مش عارف مش قادر مافيش
ونام فتحي لتاني يوم وعيون نصره هاجرها النوم
مالك يا بنتي ايه جرالك
ابدا ياماه لا جديد تحت الحزام وامر فتحي عجيب غريب مش تمام
وتيجي ستوته بتزغرط
ها يا فتحي رفعت راسي
فتحي منكسا الراسي لا ياماه كانت ليله نيله وانا مازلت محتاسي
يالهوي يابني لسه مربوط وعيون الحسود كسراك
اه يامه باين كده انا عمري ماكونت بالشكل ده
لا نجيب شيخ يفك الربط
وجه الشيخ سحلب ومعاه معزه وجدي
ربط الجديفي رجل السرير وسائل المعزه نفكه ازاي يا حكومه
حكومه ده اسم المعزه اصل سحلب كان محضر قديم بس ضلالي ومرتشي فخيم
ترد المعزه رد قاسي تقلوا ماء
معقوله يا حكومه ماء
ترد المعزه تاني ماء
عظيم عظيم هاتولي حله وطشت غسيل
امسحوا الحاره والشقه وسلم العماره
ونصب ماء المسيح علي فتحي يصير راجل يرجع صحيح
وصبوا ميه المسيح علي فتحي
وفي الليل طفشت ست الصبايا من شكله ومن ريحته
ستوته يا شيخ سحلب ايه العمل لكي نفك المربوط و يرجع فتحي تاني مظبوط
ابنك معملوا عمل علي سن مسمار لا يفكه ضربه شاكوش ولا حتي منشار
مسمار يا ضنايه
وعملوا لفتحي زار ودوب سحلب لفتحي ٣ فياجرا و٣ ترمدول و٣ حبوب صراصير
اشرب يا فتحي الشاي وانت تصير امير
ودقوا الدف وفتحي اتهز لحد ما عرقه شد وصار من قوته مش شايف حد
هيا فين عكا فين يافا انا الاسد انا المغوار
دخل الاوضه وقفل الباب وزئر وعوا عوي الذئاب يلا العجب العجاب
بس استني يا فتحي مش كده بالراحه
اسكتي انا المجري انا دوغري انا قلبي قلبي
يا عيون نصره يا قلب نصره يا فتحي رد يا فتحي
ستوته بتزغرط وتصقف للمجري ايوه يا قطر يا سريع يا
تطلع صرخه نصره من الاوضه
ايوه كده يا فتحي يا فاتح عكا يا محرر فلسطين
فلسطين مين يا وليه ابنك مات فطيس مربوط وحزين
تمت

3,689 total views, 5 views today

Schreib einen Kommentar

Deine E-Mail-Adresse wird nicht veröffentlicht. Erforderliche Felder sind markiert *