tumblr_muya3ayzC21rbr06to1_500

قيس ابن المشلح وليلي العنبريه

قيس ابن المشلح وليلي العنبريه
في عالم موازي علي كوكب يشبه الارض في كل حاجه بس بالعكس
ولد قيس في قبيله المشلح فهم يعيشون في صحراء مائيه ولازم يشلحوا هدومهم
وولدت ليلي في قبيله العنبريه المسيطره علي التراب
قيس كان فقير وفقري وغاوي يشعر علي روحه
وليلي كانت غنيه وغبيه وتكره الشعر والشعرا
مره قابلت ليلي قيس صعب عليها حاله واعطته حفنه تراب
وقع قيس في غرامها وصار يشعر في حبها اشعارا
ابو ليلي سمع ان ابن المشلح بيشعر في بنته بنت الحسب والنسب فقرر يجوزها لكرسي الهوزوء لانه من عيله كبيره اسمها الاخونديه
العيله دي كان كل ولادها صبيان عزوه وقيمه مبيخلفوش بنات
بس كرسي معمرش مع ليلي وخلعته
ودارت مع عيالها السته مش لاقيه الي يتجوزها
قررت ليلي ترجع للوحيد الي حبها بجد بعدما خرج من مصحه السرساوي للامراض العقليه
وجدت ليلي قيس جالسا مشلحا بنطلونه فوق شجره يتيمه وسط الماء يغني اشعاره في حب حياته

اه من حبك ليلي اه اه
عقلي طار مني يا ليلي وانا طرت وراه

سمع صوت ليلي بتقول سلامه عقلك يا حبيبي
مصدقش نفسه وافتكر انه اتجنن تاني
فاشعر قائلا

فينك يا سرساوي وفين كهربتك
عقلي طار تاني ومستقبلي في رقبتك

سمع صوت ليلي لا يا حبيبي انا ليلي انا حبيبتك
اغمض قيس عيناه وسد اذناه وانشد

ايا عقل غبي غاوي بهدله
في القلب حبا حقا بس العمر مش بهدله

صرخت ليلي ما تهمد في ليلتك السوده انا ليلي يا منيل
وهنا فتح قيس عيناه

قيس ابن المشلح وليلي العنبريه
المشهد الثاني
قيس لسه قاعد زي القرد علي الشجره وليلي عماله تنده عليه
انزل يا قيس
ما انا بنازل
انزل يا راجل والله انا ليلي
بس ليلي كانت عود بان
وانتي حزمه اعواد وتشبهي البتنجان
اسكت مش انا خلفتلك نص دسته عيال
بس ليلي كانت شعورها جدايل وانت شكلك نص قرعه
اسكت مش نقص الفيتامينات بيسقط الشعر
بس ليلي كانت عنيها سواد الليل وانتي لابسه نظاره كعب كوبايه
اسكت مش انا صرت مثقفه وقريت ثلاث كتب
بس ليلي
بسه تبسك انت حتنزل في يومك المهبب ده ولا انا اطلعلك
ههههه تطلعي فين يا حاجه ده انتي بتعرجي
اسكت مش انا جتلي هشاشه عظام من كتر الخلفه
يلا انزل يا قيس يا حبيبي انا ليلي وغلاوتك ليلي

ان كنتي ليلي فانا قيس
يا من خطفتي قلبي علي فجاءه
رجعيه وخليها مفاجاءه

لا ارجعه ايه ده انا مصدقت لقيتك
بس انا مش مصدق انك ليلي يمكن خيالي او عقلي طار تاني
لا والله ليلي بشحمها ودمها
بصراحه ان شايف بس شحمها
بكره تشوف وتلمس حبها ليك بس انزل متتعبنيش انا عندي صداع
ده انا الي عقلي من حبك ضاع
سبتيني وفضلتي الهوزوء
ابدا يا قيوستي ده ابويا غصب عليا اتجوزه بس اهو غار في داهيه
مات
لا لبسته قضيه وحبسته
حينها ايقن قيس انها تحبه ونزل من فوق الشجره وانشد في حبها نثرا وقال

ليلي كانت جميله
وكانت عيونها عيون المها
وكان شعرها جدائل واغصان
وكان قوامها عود البان
وكان

كان كان كان انت ايه حكايتك منا اهو زي منا بس انت مش واخد بالك
وكان عقلي في راسي ثم طار
علها ليلي ايا قلبي اطمر عيناي
ايا عقلي ارجعني لذكرها الجميله

وبدءت اعراض الخلل العقلي تعود له من جديد فلم يري الا ليلي العنبريه الجميله وهام بها حبا من جديد

قيس ابن المشلح وليلي العنبريه
المشهد الثالث الربع الاول
اخيرا نزل قيس من فوق الشجره واقترب من ليلي التي حولتها الايام لليالي مش ليلي واحده وحاول ان يلمس يدها
فانتفضت يا لهوي كله الي المس اكتب عليا الاول
بسيطه معاكي قلم
طبعا هو في ست بتمشي من غير قلم واخرجت له قلم الروج
اتدوري

نعم
اتدوري واديني ضهرك
عاوز من ضهري ايه يا راجل انت
بس اتدوري
وطي شويه
لا كله الا ده يا بدوي يا منحط انا بنت العنبر والحسب والنسب لا مستحيل
هو ايه المستحيل انا حكتب علي ضهرك
اللهم طولك يا روح الراجل فعلا كل عصافير مخه طارت
يا قيس يا حبيبي ربنا يهديك تكتب عليا عند المؤذون مش علي ضهري
نوبروبلم هو فين الماذون يا ماذون يا ماذون
يا قيس اهدي احنا في وسط الصحرا ومافيش حوالينا غير الميه
بكره نروح ارض العنبر وتكلم بابي
من بابي
يعني ابويا يا فلاح
بلاش غلط انا بدوي مش فلاح
طب وريني يا تري حب حياتك محضرله مهر ايه
تعالي ورايا
صعدت ليلي وراه تبه صخريه وهي تنهج منك لله هو انا فيه نفس اه يا ركبي اه يا ضهري
وفي ركن وقف امام مغاره مهجوره
اتفضل يا حب حياتي
ينهارك مطين انت حتعيشني في مغاره ايه شيفني دبه
لا كل ما املك جوه المغاره
طب خوش قدامي يا مدهول
لا خوشي انتي الاول انا بخاف من الضلمه
لا عيب يا قيس انت الراجل
اش دخل الخوف من الضلمه في راجل وست
اعمل ايه لوجابوا للمجنون عقل علي عقله
حيتجنن في حبك تاني يا مجنناني يلا ادخلي
طب هات حاجه ننور بيها
اخرج علبه كبريت من جيبه كل العيدان بها مستخدمه
يا فالح انور انا ازاي
نورك كفايه يا لولا
بعض نقاش دام ساعه اشعل نار واحضر شعله ودخلا المغاره
ي

تبع

1,187 total views, 2 views today

Schreib einen Kommentar

Deine E-Mail-Adresse wird nicht veröffentlicht. Erforderliche Felder sind markiert *