الست فتاكات والساحر الشرير

الست فتاكات والساحر الشرير

يحكي انه في عام الجحش اي عام اعداد جمال مبارك لتولي مقاليد الحكم
وسمي العام يعام الجحش لان جحش المعلم بليه الي ساكن في اول الحاره
برطع وهاج وبهدل العماره وكل ارجاء الحاره لانه كان عينه علي الحماره
بس المعلم بليه اتي بجش اخر يعشرها
في هذا العام المجيد زار جمال مبارك الحي وذهبت فتاكات الجعر للساحر الشرير لتسحر لجوزها الخاين
هو فين يا خويه الساحر الشرير
اني واحد يا حاجه مهم اصلهم كتير
لا انا عاوزه ساحر مفتري ساحر بجد مش هجاس وفنجري
اه لو كده روحي للساحر الي في الجرابه الثالثه
طبعا الست فتكات جاهله ومش بتفك الخط
مكتوب قصاد وشها اعلان الساحر الفتاك علي الحيطه
انا الساحر المفتري شرير ومؤزي ومش فنجري سيب الحرابه الي علي ايدك اليمين وعدي الخرابه الي علي ايدك الشمال حتلقينا في الخرابه الثالثه الي في الوش عدل
طبعا الزلزال بركه مبارك حول حي باب الشعريه الي خربات وبيوت مهدوده
طب ازاي الساحر يعلن لنفسه كده رسمي
وماله مهو كاتب كمان رقم تليفون امين الشرطه امين للاستفسار والمواعيد
راحت فتكات وهي شايله قفص علي راسها حتي وصلت الخرابه
العواف يلي هنا انت الساحر الشرير
ايوه يا ست ساحر بجد مش فنجري بق
حنشوف يا خويه حنشوف
خير يا ست
خير منين يا خويه طب قول شر خراب بلاوي مصيبه انت ساحر ولا نصاب
طب شر يا ست
اه ياخويه شر وشرار بالزيت الحار
جوزي
اشمعنا اقصد ماله يا ست
الندل حيتجوز عليه انا فتكات الجعر مرات المرحوم عتريس الخبوء
عتريس الخبوء الجزار الشهير
اه يا خويه اه تعيش انت مات واتجوزت الصبي
وحيد بعترها وعملته معلم
انا وتهتز الغوايش الذهبيه ال ٢٤ في يديها مع كل انا
وروح الساحر تهتز مع الغوايش
انت ايه يا ست
بعد مع عملت من الجربوع معلم ومسكته الجزاره ومفاتيح العماره يتجوز عليه
لا معندوش حق يا ست ده انتي حتي
اه يا خويه الجمال كله
والدلال كله
والانوثه لكها
وقولتله اعمل ديت يا وحيد علشان اخس وارقصلك عشره بلدي
يقلي بلاش ده انتي كل كيلو فيكي يتوزن بالذهب
اروح للدكتور يا خويه علشان احبلك واجبلك العيل الحيله
يقلي بلاش يا فتوكه انتي حبيبتي وبنتي
كلني بصنعه لطافه يا خويه وهو بيخني من وري ضهري
والمطلوب يا ست
المطلوب هوه ده سؤال تسحرله تربطه تعفرته
مينفعش يا ست
مينفعش ليه انت ساحر ولا نصاب
لو ربطته يا ست مش حيعرف
يستهال انا عاوزاه ميعرفش يلمس ايتها ست
طب وانتي يا ست
اه صحيح طب اربطه جزئيا
مينفعش يا ست الربط كلي مفيش جزئ
طب كرهه في صنف الحريم واعمي عنيه عن النسوان
مينفعش يا ست
ليه يا فالح انت باين عليك لا ساحر ولا نيله
يا ست مهو انتي برضه نسوان برغم اني اشك
تشك ايه يامنيل ده انا ست الستات ونون النسوه
طب لو كره الحريم منتي حريم برضه ولو اني اشك
تشك تشك تكونش صبار يالي تتشك في قلبك
قلبي حريقني من الغيظ اسحرله بهدله
بس يا ست لو سحرتله مش حينفع افك السحر لان الجني الي معايه شراني
شراني ولا براني اسحرله وطير النوم من عنيه خليه يقع شعر راسوه ويصير في عين كل وليه مقرف ووحش
صحيح انتي وليه
ايه بتبرطم تقول ايه
مافيش يا ست معاكي حاجه من اتره
ايوه يا خويا جيبالك كل الاتر
وتنزل القفص من فوق راسها
ده بوكسر ليله الدخله الكروهات شوف كان بوكسره معفن ازاي ايام مكان صبي ينفع ده
اه ينفع يا ست
لا بلاش ده لان ذكراه لسه عايشه
عايشه فين ياست
وانت مالك يا فقري انت ساحر ولا فاجر
كله يا ست خلصينا هاتي اتر تاني
طب خد البوكسر المربعات الاحمر شوف بعد الجواز العز الي عيشته فيه ده بوكسر قطونيل
جابيهوله من قصر النيل
خلاص هاتي يا ست ورانا زباين غيرك
زباين مين يا منيل الخرابه فاضيه وانا الوحيده الي معبراك
اه اصا النهارده نص يوم وكل الزباين خلصوا وانتي الاخيره
شايف البوكسر ده يا حبه عيني
ماله البوكسر يا ست
هههههاه ليه ذكريات
ده الي هز السرير ورج العمارات
اه ده بوكسر الزلزال يا ست
زلزال مين يا عبيط انت باين ملكش في الحريم
الساحر يتمتم ده انتي تكرهي الواحد في كل صنف الحريم
بتقول ايه يا منيل
مافيش يا ست بحضر زرازيل

زراير مين يا خويا
زراير ايه يا ست انتي شيفاني ترزي بقولك زرازيل ابن اللائيل العفريت الشهير
بتحضره من غير بخور
اه ده عفريت خطير بيجي كويكلي
طب حتاخد كام يا منيل
عيب يا ست انتي يتجرحيني مش انا الي احدد
امال مين الامين بتاع الشرطه الي بيقسم معاك
لا يا ست العفريت هو الي بيحدد
وهنا وقف الرجل وعمل شويه الحركات
فتح افه واخرج منها عصايه مربوطه بتلاتين منديل حرير

هزها وقال بصوت جبار احضر يا زرازيل في التو والساعه

وكرر الكلام مرات ومرات ولم يحضر زرازيل
هنا تدخلت فتكات متحضر يا زراير بسرعه مش فاضيه يا خويه وورايا غسيل
بقولك زرازيل زرازيل
زرازيل دلاديل المهم حضره ولا هو كمان بيعط من وري ظهر مراته وحيتجوز عليها
وهنا هاجت الخرابه وماجات وسمع صوت عويل
اهتز منه الساحر وخاف فاول مره يسمع لتلك الخرابه عويل
وظهرت فجاه سحابه سوداء وجوارها قطه رماديه تتكلم العربيه
زرازيل يتجوز عليا انا
انا سنار جنيه الحاره بنت معلم الجن فرتوش ابن فرتكوش
كده يا زرازيل يا صبي يا ندل يالي عملتك معلم علي كل اصناف الجن
هنا انفجرت فتاكات في البكاء اه ياختي انا كمان محروقه وقلبي يحدثني
تعالي ياختي في خضني واشتكي ملعون صنف الرجال جن انس او حتي عيال
وتصرخ الجنيه ده انا ححرقه هوه وعفاريته
وهنا يرتعد الساحر مبلاش يا ست الطيب احسن
انا ست انا
لا اقصد يا جنيه يا مفتريه
انا عفريته الحته وجنيه الخربات
هنا يظهر زرازيل انت عملت ايه يا حليتها
ابدا والله منا يا زرازيل يا خويه دي الوليه المفتريه وكل مقلها ده مكان لقمه عيشي ومحل عملي
عملك ايه يا ابو عمل يكونش مجمع التحرير دي حياله خرابها
شفت يا زرازيل
سلاما قولا من رب رحيم مين دي
دي فتكات الجعر

يا بيبي انا كنت في افغانستان بحقق حلم جورج بوش في اسقاط دوله طالبان
افغانستان ولا عند الجنيه التانيه يا خاين
انا برضه يا عفروتي ابدا حتي اسئالي بربرا ام بوش
حتشوف وحياتك عندي لو بربرا قالت انك مكنتش في افغانستان حنتفلك انت عارف ايه
وساعتها لاتنفع انس ولا جان
هنا تتدخل فتاكات اه ياختي انتفيه وبهدليه وعفرتيه الرجاله ملهمش امان
بس ليه الاذيه يا ست يا مفتريه

وترض الجنيه لا دي حبيبتي وسحرها حيكون علي حسابي فري يعني
اطلبي يا اخوتي اوؤمري عاوزه تعفرتي مين
جوزي
ليه يا حببيبتي
عاوز يتجوز عليه
وعرفتي منين
من المنيل ده
وتحرج الموبيل
وريني كده يطلب الساحر

انا نازليك حالا

بس دي رساله لراجل اسمه برعي يا ست
ده سيم يا خويه انا معرفوش حد اسمه برعي
استني بس يا ست
ويتصفح الساحر الرسايل
ده راجل يا ست
شوفوا المنيل يسيب الحنان والانوثه دي ويتنيل مع الرجاله
لا يا ست ده واحد اسمه برعي بيربي مواشي
وجوزك شكله عاوز يشتري بهايم من وراكي

هوه كده هوه كده
طب اعملوا سحر يخرب بيته
مينفعش يا ست
هنا يسكته زرازيل اسكت يا اهبل ينفع يا ست ينفع
حنعمله سحر بخراب بيته وبيت ابوه بس
بس ايه
ده يكلف
يكلف مهما يكلف ن قرش لالف جنيه
لا يا ست ده يكلف ٢٤ غويشه ذهبيه
تقلع الست الغوايش الذهبيه والغل يملائها اعملوا يا خويا اعمله قال يتغني من رايا قال

تمت

3,395 total views, 10 views today

Schreib einen Kommentar

Deine E-Mail-Adresse wird nicht veröffentlicht. Erforderliche Felder sind markiert *