10255938_838193842885908_5806882966594260586_n

اسباب فشل الثوره

اسباب فشل الثوره
قصه قصيره بايخه
بعد ان اجتمع كل من شارك في الثوره من الشباب في فندق النبيله التابع للقوات المسلحه لمناقشه اسباب فشل الثوره
وبعد ان اكلوا الجاتوه الميري وشربوا الشاي بالكافور حتي لا يعملوا في بعضهم البعض الجولاشه
وقف احد اعضاء ٣٦ ابريل صارخا احنا عملنا الي علينا بس الاخوان هما سبب الفشل
ووقف الشاب محمد حسني مبارك الشهير ب حوستي في طرف التربيزه بعد ان طلب ان يسنده من حوله حتي يستقيم عوده ولوح بكلتا يديه صارخا يسقط يسقط حكم المرشد
وردد وراءه الجميع يسقط يسقط حكم المرشد
وهنا تناول الشاب احمد عز الميكوفون وصرخ فيه رغم قصر طوله الملحوظ
احنا قمنا بالثوره دي ضد المحاباه والمحسوبيه وهما حرموني من التقدم لانتخابات البرلمان ظلم ده ولا مش ظلم ثم اعقب يسقط يسقط مرسي الخبوء
وردد الجميع وراءه نفس النداء
وفي اقصي الصاله وقف احد الشباب الغيرمنتمين اي لا ينتمي لاي فصيل وقال وفي يده قطعه جاتوه في حجم التورته وكوب شاي في حجم شوب عصير القصب
يسقط المجلس العس
وقبل ان يكمل كلامه قال العميد المسؤول علي الضيافه طقم جاتوه هنا يا ابني وشاي وكتر الكافور
اما الشاب بتاع يسقط حكم العس فقد اختفي
وقام ممثل شباب الاخوان وقال صحيح احنا طلعنا مبنعرفش
وصحيح مرسي طلع خبوء
وصحيح مكنش عارف يحكم حتي بيته بس الموضوع موضوع مبداء
هنا انتفض الشاب كمال الجنزوري مبداء ايه يا خروف
مبداء انك متاخدش الرغيف من ايد اخوك قبل ما يكله
يا سلام وهو لو كالوا حيبقلنا ايه يا فالح
نظر ممثل شباب الاخوان حوله واحس انه قال حاجه غلط ونظرا ان القياده قد امرته ان لا يفشل مساعي توحيد الصف الثوري صاح قائلا يسقط يسقط حكم المرشد
وردد الجميع حوله فرحين
وبعد ان جلس قال مخربهاش الا شباب ٣٦ ابريل العميل الي قابض من بره
هنا انتفضت احدي شبات ٣٦ ابريل
لا كله الا كده الكل قابض يا حبيبي فيه الي قبض من بره وفي الي قبض من الحليج وفي الي قبض من جوه حتي اسال محمود بنجو
وقف محمود تمرد علي التربيزه وبدل ان يخطب فيهم شغل الايباد علي اغنيه انا حوليا كتير ملهوم ولا تاثير وقعد يرقص ولا صافيناز قبل ان يقبض عليها
وبعد ذلك ردد اغنيه يا رب كتر من خير الجيش وكيد بيه الاعادي
وهنا همهم الجميع وهم يمضغون الجاتوه امين
ولم يكن احد يتوقع ابدا ان يحضر هذا الاجتماع المهم الشاب محمد حسنين مش عارف يموت هيكل
يا جماعه انا لما قابلت تشيرشل الله يرحمه علي سلم وزاره الخارجيه البريطانيه قالي انتوا شعب ميتمرش فيكم الخير ابدا
هنا وقف الشاب محمد حسني مبارك وقال
فعلا ده شعب يحترم الي يبهدله ويبهدل الي يحترمه وميتمرش فيه الخير ابدا يسقط يسقط الشعب المصري
احس الشاب حسب الله الكافراوي ان كلام حستي ممكن يشق الصف الثوري فقال
هو صحيح يا حسنين يا هيكل انت فعلا مش عارف تموت ولا عزرائيل مش عارف يوصلك
لا ده ولا ده ده بيجيلي في الاسبوع مره وكل مره افكره اني لما بعت ان وهنري كسينجر اروحنا لابليس جه لابليس عقد عمل علي كوكب الزهره مشي وخد روحي معاه روح اقبض روحي هناك
ها وراح لابليس
تبسم هيكل لا طبعا دول متخاصمين من ايام ما انطرد ابليس من الجنه
ايه يعني حتخلل فيها يا حسنين
لا هو ابليس بيجي الارض كل ٥٠٠ سنه وبنعمله بارتي صغير في المحفل الماسوني العام في سفح الهرم
رد الكفراوي طب يا مسهل كل امرا عسير
وقفت ممثله ٣٦ ابريل مره اخري وقالت يا جماعه احنا ناسين كلنا اننا وقفنا معاكم في توره ٣٠ امبارح المباركه ليه كل زعمائنا في السجن برغم ان الزميل مبارك واولاده خرجوا خلاص
رد عليها جمال مبارك ههه دي قرصه ودن يا اختي مش اكتر بكره يخرجوا
وهنا وقف ممثل شباب الاخوان اده هو الكل حيخرج الا المرشد ده ظلم والله ظلم
رد عليه العادلي لا متخافش هو خارج اكيد علي ترب الغفير تحب تخرج معاه
هنا انتفضت عروق رقبه شاب الاخوان وقال لا انا لن اسمح واحب اقولها بالصوت الحياني يسقط يسقط حكم المرشد
هنا مصمصت تهاني الجبالي شفايفها وقالت اه يا مئامنه للاخوان يا مئامنه للميه في الغربال وللعريس الي طار
اثنين ملهمش امان الرجاله والاخوان
وسائلت توفيق العكش ايه يا عكش انت ساكت مش عاويدك
هز العكش راسه العجالي وقال اصلكم انتم مش فاهمين اصول حروب الجيل الخامس
اده هيا مش كانت حروب الجيل الرابع
لا العالم في تتطور يا جهله
رد عليه البردعي اسكت يا جا جا جاهل
انا الي جاهل يا الي مش عارف تظغط البطه ومش عارف الفرخه من الديك اسكت سكلتك خلتك
يا جماعه حروب الجيل الخامس داخله علي مصر داخله وحشه واحنا لازم ننتبه
اكتبي يا حيات اصل العالم دي مش فاهمه ومش حتفهم اكتبي قبل ما انسي
حاضر يا مفجر الثورات وقاتل الذباب بدون باخاخات
تبسم العكش ونفش ريشه وقال
الحرب دي حرب ضروس ومسر داخله حرب ضد سكان كوكب المريخ بعد سته اشهور ويا تلحقوها يا متلحقوهاش
هنا انتفض حستي مره اخري وقال يسقط يسقط حكم المريخ
هنا تململ البردعي وسال هيكل طب ايه رائيك يا حسنين مش عارف تموت هيكل في كلام العكش ده مش جهل وتخلف ديموقراطي
ابدا يا بردعي الراجل بيقول كلام درر
انا لما قبلت كنيدي علي سلم الخدمين في البيت الابيض وسئالته ايه موضوع مشروع الفضاء ده مش فلوس بتترمي في صواريخ
قالي اسكت يا هيكل يا خويا ده الموضوع كبير وعويص اوي والنازي كان علي علاقه بالرماديين
هنا انتفض العكش النبي ايه الفضائيين الرماديين انا قلت لخالي الي عايش في المانيا ان النازي ده مش من هنا قلي اسكت يا وله يا اهبل
انا كنت عارف ان هتلر من المريخ
والنعمه الشريفه يا حيات كنت عارفها
يا زعيم انت تجيب ديل العجله من بطن الجاموسه اسم النبي حارسك وصاينك
هنا تكلم ممثل حزب مصريين ساويرس وقال يا جماعه كفايه كده صدعتونا هي البلد حتتقسم امتي نفسي اعيش في الاسكندريه عاصمه مصر القبطيه
همهم الجميع
وقال البردعي متخافش يا عبد السلام وليم كما وعدتكم انتم والنوبيين انا بعمل في كافه النواحي علي تقسيم البلد بس خلي ساويرس يبحبح ايده شويه مع اعضاء الكونجرس
ايد ده تتقسم ازاي ده انا عايش في الاسكندريه يا جماعه هذا كان رد الشيخ برهامي
حرام ده انا دفعت دم قلبي رشوه علشان انجح في امتحان الدعاه بتاع الاوقاف وحاطط عيني علي اكبر جامع فيكي يا اسكندريه تيجي تقولي حتتقسم وتقفلوا الجوامع
لا متقلقش حنسيبك تعيش معانا بعد ما تدفع الجزيه يا برهومتي زي جنوب السودان كده
طب الحمد لله اد كان كده فليسقط يسقط حكم الريس الي صلينا وراه وبايعناه
ينهارك اسود انت بتعيب في الزعيم اللواء الفريق المشير السيسي
لا يا جماعه انا قاصد مرسي الدهل
اه اد كان كده انت حقا خير من يمثل الاسلام في الاسكنديه عاصمه مصر القبطيه
هنا نادي الشاب عمرو موسي يا جماعه هو فين حمدين لمؤاخذه صباحي
السهر زي كل يوم يا سيدي
كانت عنده سهره صباحي يا سيدي وراحت عليه نومه بس متقلقش هنبعتله دسته جاتوه وخمسه لتر شاي علي البيت
يدوم عزكم يا حماه مصر
طب ياجماعه احنا كلنا الحاتوه وشربنا الشاي وناقشنا ايه اسباب فشل الثوره واتفقنا ان حروب الجيل الخامس وتعاون الاخوان مع الرماديين هو سبب كل المصايب مين هيتكلم باسمنا كشباب حر ثوري نقي وشريف
حستي مبارك قال انا مستعد
وحسنين مش عارف يموت هيكل قال وانا ايضا
وحسب الله الكفراوي بعد فاصل من الكحه والبصاق حوله وانا ايضا
لا يا جماعه عاوزين حل ديمو ديمو ديمو
انت علي متجمع يا بردعي العشا حتدن
هو قاصده حل ديموقراطي
شك شك شك را يا تها تها
خلاص يا خويه انا شلت المراره العفو
اه ننتخب انتخاب نزيه من يمثلنا ونظروا جيعا للواء في قمه التربيزه
الجنرال المسؤول عن الاجتماع سوري يا جماعه انا مش فاضي لازم امشي كمان خمس دقايق
ايه يعني حنختار واحد مدني لا قدر الله
اه الاوامر جيه بكده
طب حنختار مين
طبعا انتم احرار بس الاوامر جت بالشاب عمرو موسي
عين العقل وهو ده الاختيار قوم يا عمرو يا موسي ووغني انا بكره اسرائيل
لا ده كان زمان وجبر الناس عرفت خلاص ان اخويا من ابويا يهودي وعايش في فرنسا
طب حضرت كلمه يا عمرو
يا جماعه طبعا انتم احرار لكن الاوامر جت بالورقه دي
اخذ عمرو موسي الورقه شاكرا ووقف امام الميكرفون ومن خلفه الشباب حسني مبارك حبيب العادلي الكفراوي الجنزوري العكش حسنين مش عارف يموت
وقال
نظرا للظروف التي تمر بها البلاد قررت الثوره التنازل عن الثوار والله الموفق والمستعان
وهنا ردد وراءه برافو عليك يا عمرو نطقتها المره دي الموفق صح مش عمر سليمان الخايب
الله يرحمه بقي كان تعليم فرنساوي
وانت يا موسي انا تعليم الماني
وهنا ختم العكش الجلسه
مش قلتلك يا حيات ان في وسطينا كائنات فضائيه
تمت

568 total views, 1 views today

Schreib einen Kommentar

Deine E-Mail-Adresse wird nicht veröffentlicht. Erforderliche Felder sind markiert *